सावंतवाडी : भोसले नॉलेज सिटी येथे आज सरस्वती पूजन मोठ्या उत्साहात व मंगलमय वातावरणात संपन्न झाले. यावेळी प्रतिवर्षाप्रमाणे देवी शारदेच्या मूर्तीवर अभिषेक करून विधिवत पूजा करण्यात आली.

पूजेचे यजमानपद संस्थेचे कार्याध्यक्ष अच्युत सावंतभोसले व अस्मिता अच्युत सावंतभोसले यांनी भूषविले. याप्रसंगी संस्थेचे संचालक मंडळ, शिक्षक-शिक्षकेतर कर्मचारी तसेच विद्यार्थी उपस्थित होते. पूजेनंतर परिसरात भक्तिपूर्ण वातावरण निर्माण झाले असून सर्वांनी देवी सरस्वतीच्या चरणी शैक्षणिक यश व प्रगतीसाठी प्रार्थना केली.