Gokul Election Results : गोकुळच्या सत्तासंग्रामात सतेज पाटील वरचढ

समविचारी आघाडीचे 13, महायुतीचे 12 उमेदवार विजयी : मुश्रीफ गटालाही पराभवाचा धक्का

Edited by: कोकणसाद LIVE NEWS नेटवर्क

Published on: October 19, 2026 19:13 PM

64 views

The Satej Patil-led alliance wins 16 seats in the Gokul election, while Mahayuti secures nine seats.

कोल्हापूर : संपूर्ण राज्याचे लक्ष लागून असलेल्या कोल्हापुरातील गोकुळ दूध संघाच्या निवडणुकीत सतेज पाटील यांनी महायुतीला धक्का दिला आहे. गोकुळवर सत्ता मिळवण्यासाठी महायुतीने तसेच सतेज पाटील यांच्या नेतृत्त्वातील पॅनेलने पूर्ण ताकद लावली होती. या निवडणुकीत कोल्हापूरकरांनी सतेज पाटील यांच्या पॅनेलला यावेळी साथ दिली. एकूण 25 जागांपैकी 13 जागांवर सतेज पाटील यांच्या पॅनेलच्या उमेदवारांचा तर 12 जागांवर महायुतीच्या पॅनेलचा विजय झाला आहे.

या निवडणुकीत महायुतीने राजर्षी शाहू शेतकरी विकास आघाडी आणि विरोधकांनी सतेज पाटील यांच्या नेतृत्त्वात राजर्षी शाहू शेतकरी समविचारी आघाडी नावाने पॅनेल उभे केले होते. समोर आलेल्या निकालानंतर गोकुळवर आता सतेज पाटलांच्याच पॅनेलची सत्ता असणार हे आता स्पष्ट झाले आहे.

मतमोजणी सुरू झाली तेव्हा सुरुवातीच्या कलांमध्ये सतेज पाटील यांच्या पॅनेलचे 15 उमेदवार आघाडीवर होते. नंतर हा फरक कमी होत गेला. एका जागेसाठी पुन्हा मतमोजणी करण्यात आली. त्यानंतर सतेज पाटलांच्या पॅनेलचे सचिन घोरपडे पराभूत झाले. तर महायुतीच्या पॅनेलचे अमर पाटील यांचा विजय झाला. त्यामुळे सतेज पाटील यांच्या एक पॅनेलची एक जागा कमी झाली. तरीदेखील गोकुळ चालवण्यासाठी जो जादुई आकडा हवा आहे, तो सतेज पाटील यांच्या पॅनेलने गाठला आहे

१. अभिजित प्रभाकर तायशेटे (सतेज पाटील)

२. शशिकांत आनंदराव पाटील चुयेकर (सतेज पाटील)

३. राहुल पांडुरंग पाटील (महायुती) ⁠

४. चेतन अरुण नरके (महायुती)

५. अजित शशिकांत नरके (महायुती)

६. किसन बापूसो चौगले (सतेज पाटील)

७. अंबरीषसिंह संजय घाटगे (महायुती)

८. बाबासाहेब श्रीपती चौगले (सतेज पाटील)

९. राहुल बजरंग देसाई (सतेज पाटील)

१०. विद्याधर बाबुराव गुरबे (सतेज पाटील)

११. विरेंद्र संजय मंडलिक (महायुती)

१२. मदन बाबुराव देसाई (महायुती)